Caché generada y soportada por Blogs Teoriza al servicio de la Blogosfera. (+herramientas)
Página cacheada: http://www.diariodeferrol.com/hoy/comarcas/comarca05.html (autor original).
Fecha exacta captura: 2009-07-23 12:00:18 (GMT/UTC).

    Comarcas Jueves 23 de Julio de 2009

Alertan do retroceso no uso do idioma logo de que unha nena fora insultada REDACCIÓN > FERROL O Bloque Nacionalista Galego de Fene alerta do que entenden que é un “retroceso no uso do idioma”, que xurde como resultado das políticas “xenófobas co galego impulsadas polo novo goberno do PP, que están dando os seus froitos”. Segundo explican desde a formación frontista estase producindo un proceso de involución no uso do idioma, algo que explica, segundo din, o acontecido a unha rapaza de Fene no campamento de verán organizado polo Concello, “que foi increpada e insultada durante tres días por falar en galego, transformando en sofrimento o que deberían ser días de lecer e aprendizaxe”, explican. Os nacionalistas pensan que esta situación vén provocada “polas directrices lingüísticas do PP, a segregación e a eliminación do galego de todos os espazos nos que teñen competencia ata conseguir o divorcio social e a anulación do noso idioma”, segundo denuncian. Asemade, desde o BNG de Fene lamentan que desde a dirección ou organización do campamento de verán non se tomara ninguna medida de protección e educación dos rapaces no marco da tolerancia e do respeto, “xerándose unha situación de indefensión sen precedentes”, din. Pola súa banda, o voceiro nacionalista no Concello fenés, Manuel Polo, manifestou que proporá a elección de campamentos onde “a tolerancia, o respecto, a educación en valores e a normalización do idioma sexan sinais que definan a calidade das actividades”. Neste verán a Concellería de Mocidade e Deporte do Concello de Fene concertou o campamento de verán coa granxa escola “El Kiriko”, da localidade pontevedresa de Fornelos de Montes que, segundo lembran os nacionalistas, “xa fora noticia o ano pasado pola orde da dirección do centro de prohibir ao monitorado o uso do galego nas súas actividades”, din desde o BNG fenés. Portada | Opinión | Ferrol | Narón | Comarcas | Galicia | Deportes | España | Mundo | Sucesos | Economía | Sociedad | Comunicación | Última Página | El tiempo | Titulares | Servicios | Agenda | Exposiciones | Cartelera | Correo |